«Сайрам» колледжі жеке мекемесінің екі типтік студенттік жатақханасымен жалдау келісім шарты бар.
1) Шымкент қаласы, Быковский көшесі №54 мекенжайындағы Қ.а. Ясауи атындағы Халықаралық қазақ-түрік университетінің жатақханасы. Шарттың мерзімі 31.08.2024 жылға дейін.
2) «Академик А. Қуатбеков атындағы Халықтар достығы университеті» мекемесінің жатақханасы. Шарттың мерзімі 09.01.2028 жылға дейін.
Қаладан тыс студенттер, жетім балалар, ата-анасының қамқорлығынсыз қалған балалар, көп балалы отбасылардан шыққан балалар санитарлық нормалар мен қауіпсіздік техникасы ережелеріне сәйкес келетін 2 және 3 орындық жиһаздалған бөлмелері бар заманауи жатақханаларда баспанамен қамтамасыз етілген. Жатақханада душ бөлмелері, жартылай автоматты кір жуғыш машиналар орнатылған, асүйлер электр плиталарымен, тоңазытқыштармен және тұруға қажетті тұрмыстық заттармен жабдықталған. Интернет бар. Мәдени және спорттық-бұқаралық іс-шараларды өткізу үшін демалыс бөлмесі бар.
спорттық-бұқаралық іс-шаралардың демалыс бөлмесі бар.
Жатақханада өткізу режимі сақталады, жатақханаларда тұру ережелерін сақтау бойынша іс-шаралар өткізіледі. Жатақханада спорт жабдықтарымен жабдықталған тренажер залы, ал жатақханалар аумағында көпфункционалды спорт алаңы жабдықталған. Жатақханада 50 орындық акт залы және асхана бар. Жатақхананың дәліздері мен қабаттарында бейнебақылау камералары орнатылған.
Білім алушыларды жатақханаға орналастыру белгіленген санитарлық нормаларды сақтай отырып, жатақханада тұру қағидаларына сәйкес жүргізіледі. Студенттерді орналастыру 30 тамыздан бастап жүзеге асырылады. Жатақханалардағы тұрғын үй алаңын пайдаланғаны үшін төлемақы мөлшерін айқындау тәртібі Қазақстан Республикасындағы қолданыстағы заңнамаға және жатақхананы ұстауға арналған нақты шығындарға сәйкес белгіленеді.
